Fréttir

Í gær, fimmtudaginn 14.apríl, var lokahátíð Stóru upplestrarkeppni 7.bekkjar haldin í Leifsbúð í Búðardal.Þrír nemendur, Unndís Ida, Guðrún og Helga María, fóru frá Heiðarskóla ásamt Einari kennara en þær Unndís og Guðrún tóku þátt í keppninni ásamt 7 öðrum nemendum úr samstarfsskólunum.

Við erum svo sannarlega búin að njóta góða veðursins þessa vikuna.Útinámið er búið að vera einstaklega skemmtilegt og eru börnin búin að fara í nokkra göngutúra og vettvangsferðir í vikunni, ýmist í litlum eða stórum hópum.

Veðrið lék við okkur í gær eins og sjá má af myndum sem komnar eru í myndaalbúm Heiðarskóla.Unglingar voru í útiíþróttum, yngstu börnin unnu talningarverkefni og miðstigskrakkar lærðu um kyrrmyndir í góða veðrinu.

Veðrið lék við tilvonandi 1.bekkinga í Heiðarskóla í dag.Börnin fóru í sund, hittu vini sína í 1.bekk, fóru í frímínútur og á bókasafnið, borðuðu tortillur í hádegismat og í dag tóku þau í fyrsta skipti þátt í hádegisfrímínútum.

Undanfarnar vikur hafa nemendur í 7.bekk verið að æfa sig í ýmis konar upplestri.Í gærkvöldi, þriðjudagskvöldið 5.apríl, fór svo sjálf upplestrarhátíðin fram hér í Heiðarskóla.

Guðbjörg Rós Guðnadóttir, fyrrverandi Heiðarskólanemandi, kom í heimsókn til okkar í dag og sagði frá því hvernig hún fór að því að verða atvinnuflugmaður.Hún starfar nú hjá  flugfélaginu Air Atlanta.

Laugardaginn 2.apríl var alþjóðlegur dagur einhverfu.Í Heiðarskóla var haldið upp á daginn í dag.Margir mættu bláklæddir og Arnheiður Andrésdóttir, ráðgjafaþroskaþjálfi, hélt fyrirlestur um taugaraskanir með sérstakri áherslu á einhverfu fyrir nemendur og starfsfólk.

Líf og fjör var á menningarmóti í Heiðarskóla í dag þegar nemendur kynntu afrakstur þemavinnunnar undanfarna daga.Eftirfarandi lönd voru kynnt: Svíþjóð, Þýskaland, Lettland, Uruguay, Tyrkland, Úkraína, Pólland, Bosnía - Herzegóvína, Bahamas og Litháen.

Undanfarna daga hafa nemendur skólans verið í þemavinnu.Þeim var skipt í 10 aldursblandaða hópa og hver og einn hópur kynnti sér eitt ákveðið land.Á morgun er opinn dagur í skólanum og boðið upp á menningarmót þar sem gestum er boðið að kynna sér afrakstur þemavinnunnar.

Í tilefni af 50 ára afmælisári skólans langar okkur að bjóða fyrrverandi nemendum skólans í heimsókn og biðja þá um að segja okkur frá því hvað þeir eru að gera í dag.