Fréttir

Við í Skýjaborg gerðum okkur glaðan dag í dag og höfðum náttfatadag og leyfðum böngsum að heimsækja leikskólann.Við höfðum stórskemmtilegt ball eftir morgunverðinn þar sem dansað var og sungið og auðvitað fengu bangsarnir að vera með.

Í dag fóru börnin í 3.bekk ásamt kennara til Akraness og skoðuðu bæði slökkvistöðina og byggðasafnið.    Vel var tekið á móti hópnum á slökkvistöðinni.Slökkviliðsmenn fræddu börnin um brunavarnir á heimilinu og sýndu þeim hvernig reykkafari ber sig að.

Í dag kom Gerður Kristný Guðjónsdóttir, rithöfundur, í heimsókn í Leik- og grunnskóla Hvalfjarðarsveitar.Gerður las upp úr verkum sýnum fyrir börnin sem hlustuðu af athygli.

Börnin í 1.bekk skrifuðu nemendum í 10.bekk bréf á Degi íslenskrar tungu og buðu þeim í heimsókn í heimastofuna sína.Í vikunni varð af heimsókninni, allir sögðu nafn sitt og umræður fóru fram um aldur og hvenær unglingar lærðu að lesa.

Við fögnuðum degi íslenskrar tungu með því að syngja saman Að gæta hennar gildi hér og nú (Á íslensku má alltaf finna svar) og lærðum þuluna Buxur, vesti, brók og skór.

Í dag er rafmagnslaus dagur hjá okkur.Við tengjum þennan dag við grænfánaverkefnið, en með rafmagnslausum degi viljum við vekja athygli á orkunotkun og hvernig við getum sparað þessa auðlind.

Í gær fengum við góða gesti í heimsókn á vegum List fyrir alla.Þeir sýndu Stafhópi úr Skýjaborg og börnunum í 1.- 4.bekk óperuna Baldursbrá eftir þá Gunnstein Ólafsson og Böðvar Guðmundsson.

Í gærkvöldi gaf Kvenfélagið Lilja Heiðarborg hjartastuðtæki ásamt veggskáp og blástursmaska.Þar sem mínútur skipta máli við endurlífgun þarf ekki að tíunda hverstu þakklát við erum fyrir þetta mikilvæga öryggistæki í íþróttamiðstöðina okkar í sveitinni.

Heiðarskóli tekur nú í annað sinn þátt í verkefninu "Jól í skókassa".Markmið verkefnisins er að fá börn og fullorðna til að gleðja börn sem lifa við fátækt, sjúkdóma og erfiðleika.

Við þökkum öllum þeim sem sáu sér fært að kíkja til okkar s.l.föstudag og skoða afrakstur þemavinnunnar um neyslu.Neysla er vandamál i heiminum í dag, við erum að nota of mikið af auðlindum jarðar til að framleiða vörur sem einungis hluti jarðarbúa er að nýta og þarf kannski ekki nauðsynlega á að halda.