Fréttir

Vakin er athygli á því að á morgun föstudaginn 14.október er hálfur starfsdagur í Skýjaborg.Þá þarf að vera búið að sækja börnin fyrir kl.12:00. .

Þrátt fyrir rok og rigningu skelltu allir sér í viðeigandi útiföt og hlupu út og fundu sér eitthvað skemmtilegt að gera líkt og alla aðra daga.Yngri deildin hélt sér á bakvið hús þar sem meira skjól er fyrir litlar og valtar fætur.

Minnum á vetrarfrí og starfsdaga  í Heiðarskóla 12., 13.og 14.október nk.  Með von um að allir njóti þessara frídaga vel og mæti endurnærðir aftur í skólann mánudaginn 17.

Tónlistarskólinn á Akranesi hélt skólatónleika í Heiðarskóla í dag.Heiðarskólanemendur í tónlistarnámi spiluðu og efnisvalið var fjölbreytt og skemmtilegt.Í lok tónleikanna sungu tónleikagestir og nemendur Tónlistarskólans spiluðu undir.

Í dag var bleikur dagur í Heiðarskóla og margir völdu að klæðast bleiku í tilefni dagsins.Það var einnig dótadagur á yngsta stigi og mikil gleði og spenna í loftinu enda vetrarfrí skólans handan við hornið.

Í gær var fyrsti skólasamstarfsdagur vetrarins, elsti árgangur Skýjaborgar kom í Heiðarskóla.Börnin byrjuðu daginn með hreyfistund í íþróttasalnum.Eftir það skoðuðu þau skólalóðina.

Á miðvikudaginn tóku nemendur og starfsmenn skólans þátt í norræna skólahlaupinu.Veðrið lék við okkur og sveitin skartaði sínu fegursta.Með norræna skólahlaupinu er leitast við að hvetja nemendur til að stunda útiveru, hreyfa sig reglulega og stuðla þannig að betri heilsu og vellíðan.

Í gær fór yngsta stigið út í tilraunatímanum í blíðskapa veðri.Þau könnuðu hitastigið í læknum með mæli, ofarlega, neðarlega, fyrir miðju, í sól og í skugga.

Nemendur okkar í 1.- 7.bekk tóku upp kartöflur í síðustu viku.Uppskeran var misgóð en allir sem vildu fengu að taka með sér smá smakk heim og síðan verða þessar ljúffengu kartöflur á boðstólnum í hádegismatinn hjá okkur í skólanum.

Krakkarnir í 1.- 4.bekk hafa undanfarnar vikur verið að læra um fjöllin.Í upphafi var hópurinn ýmist allur saman eða í þrískiptingu, þá var verið að skoða fjöllin í kringum skólann, skoða og ræða orð sem tengjast fjöllum, hvernig fjöllin verða til og hvað einkennir þau.