Fréttir af Skýjaborg

Í morgun buðu börn og starfsfólk foreldrum og fjölskyldum barnanna í aðventukaffi í leikskólann.Margir heilsuðu upp á okkur og áttu með okkur notalega samverustund.Við þökkum þeim sem komu kærlega fyrir komuna, það var sérstaklega gaman að fá ykkur í heimsókn.

Í dag og í gær hafa börnin verið að baka piparkökur og skreyta þær fyrir jólin. Dugnaðurinn er þvílíkur í bökurunum að starfsfólk hefur varla undan að setja á plöturnar.

Í dag kom leikkonan Þórdís Arnljótsdóttir með leiksýninguna sína um Grýlu og jólasveinana til okkar.Leikritið segir frá stúlku sem fer að heiman og hittir gamla konu sem segir henni frá Grýlu og drengjunum hennar, jólasveinunum, og ævintýrum sem þeir lenda í.

Opnuð hefur verið heimasíða þar sem verkefnum Nordplussamstarfsins sem leikskólinn tekur þátt í eru gerð skil.Vefsíðan er aðgengileg á slóðinni http://winnieandwood.

Á fimmtudaginn er furðufatadagur í leikskólanum.Allir sem vilja mega koma í furðufötum, búning, náttfötum eða venjulegum fötum. Þennan dag er einnig sameiginlegt afmæli fyrir afmælisbörn nóvembermánaðar.

Í gær fengu litlu hvolparnir hennar Báru að kíkja í heimsókn í leikskólann í smá stund.Börnin hafa fylgst spennt með uppeldi hvolpanna frá því þeir fæddust og farið í margar heimsóknir til þeirra.

Á mánudaginn var alþjóða Bangsadagurinn og héldum við hann að sjálfsögðu hátiðlegan í leikskólanum.Börnin komu með bangsana sína með sér í skólann og leyfðu þeim að taka þátt í skólastarfinu.

Í síðustu viku fóru Magga Sigga og Þórdís til Eistlands til að sækja Bangsímon og koma með hann heim.Bangsímon er hluti af Nordplus verkefni sem leikskólinn tekur þátt í ásamt leikskólum í Eistlandi, Lettlandi, Litháen og Noregi.

Á morgun hefst skólasamstarf elstu barna leikskólans (f.2009).Lagt verður af stað frá leikskólanum kl.9:10 og er áætluð heimkoma um kl.12:00.Fram að áramótum er sund og biðjum við alla um að koma með sundföt með sér.

Á morgun, á Degi íslenskrar náttúru, munum við flagga Grænfánanum í þriðja sinn í leikskólanum. Athöfnin verður kl.9:15 og ætla vinir okkar í 1.og 2.bekk að heimsækja okkur af því tilefni, en þau eiga auðvitað mikið í verkefninu með okkur.