Fréttir af Skýjaborg

Dagur umhverfisins var í gær.Við reynum alla daga að leggja áherslu á umhverfismennt í leikskólanum.En við nýttum daginn sérstaklega til að tína rusl.Eldri deildin fór í göngu um hverfið með það fyrir augum að tína rusl og gera umhverfið okkar hreinna.

Við erum svo sannarlega búin að njóta góða veðursins þessa vikuna.Útinámið er búið að vera einstaklega skemmtilegt og eru börnin búin að fara í nokkra göngutúra og vettvangsferðir í vikunni, ýmist í litlum eða stórum hópum.

Börn og starfsfólk hafa haft það notalegt í vikunni hjá okkur og höfum við notið veðurblíðunnar í dag og rigningarinnar síðustu daga.Við óskum ykkur gleðilegra páska og sjáumst aftur á þriðjudaginn.

Í gær buðum við eldri borgurum í sveitinni á opið hús í leikskólanum frá 14:00-16:00.Það var góð mæting og mættu rúmlega 20 manns til okkar.Í upphafi var Eyrún sviðsstjóri með smá tölu og sagði frá skólastarfinu.

Í tilefni konudagsins sem er á sunnudaginn buðu börnin í Skýjaborg öllum konum í lífi sínu í morgunkaffi á milli 8:30 og 9:30 í morgun.Það var vel mætt og þökkum við öllum sem gáfu sér tíma til að koma í heimsókn fyrir komuna.

Í dag héldum við upp á Dag leikskólans sem er á laugardaginn.6.febrúar árið 1950 stofnuðu frumkvöðlar leikskólakennara sín fyrstu samtök.Við fórum í göngutúr/skrúðgöngu um hverfið, sungum nokkur lög á leiðinni og Sigurbjörg spilaði á trommu.

Í morgun bjuggum við til fuglafóður handa smáfuglunum sem heimsækja okkur hér á leikskólalóðina.Við höfum undanfarna daga safnað brauð- og kexafgöngum, fræjum og eplabitum sem við hrærðum saman við tólg.

Í dag buðu börnin öllum pöbbum, öfum, frændum og/eða bræðrum í morgunkaffi í tilefni bóndadagsins.Við þökkum þeim fjölmörgu sem kíktu við hjá okkur.Myndir eru komnar á myndasíðu.

Í dag fögnum við því að Bangsímon vinur okkar á afmæli.Við héldum veislu honum, og öðrum afmælisbörnum mánaðarins til heiðurs.Við bökuðum köku, blésum í blöðrur og sungum saman í tilefni dagsins.

Við óskum öllum velunnurum leikskólans gleðilegra jóla og þökkum fyrir frábært samstarf á árinu sem er að líða.Við minnum á að leikskólinn er lokaður vegna starfsdags mánudaginn 4.