Fréttir af Skýjaborg

Í dag fengum við heimsókn frá USN nefnd Hvalfjarðarsveitar.Nefndin óskaði eftir því að fá að hitta umhverfisnefnd leikskólans, sem er skipuð börnum í elsta hópi.Umræðuefnið var umhverfismál sem þarf að taka á í sveitarfélaginu.

Í morgun buðum við öllum mömmum, ömmum, systrum, frænkum og vinkonum í kaffi í leikskólann í tilefni konudagsins á sunnudaginn.Þátttakan var alveg frábær og þökkum við öllum þeim sem gáfu sér tíma til að kíkja við.

Í kuldatíðinni er mikilvægt að huga að smádýrunum sem eiga erfitt með að finna eitthvað matarkyns í snjónum.Við höfum verið dugleg að fóðra smáfuglana og hafa börnin ýmsar hugmyndir um það hvernig best sé að standa að því.

Í dag er dagur leikskólans haldinn hátíðlegur í leikskólum landsins til að halda upp á það að þann 6.febrúar 1950 stofnuðu frumkvöðlar leikskólakennara fyrstu samtök sín.

Í dag héldum við þorrablót í leikskólanum.Við hófum daginn á samsöng þar sem við sungum þorralög og allir voru með víkingahjálmana sína.Í hádeginu var boðið upp á hefðbundinn þorramat, súran og góðan :).

Leikskólinn er lokaður vegna starfsdaga mánudaginn 9.og þriðjudaginn 10.febrúar.

Nú er að hefjast árleg tannverndarvika og munum við vinna ýmis verkefni tengd tannvernd og fræðslu um tennur með börnunum.Í ár er tannverndarvikan helguð umræðu um sykurmag í mat og ætlum við að fara í skoðun á því hvort of mikill sykur leynist í því sem við bjóðum upp á.

Á fimmtudaginn, 5.febrúar, munum við blóta Þorra í leikskólanum og sláum upp þorrablótsveislu í hádeginu.Börnin hafa undanfarið verið að undirbúa blótið með því að búa til víkingahjálma og æfa þorralög.

Á föstudaginn fögnum við upphafi þorra og bjóðum eins og hefð er öllum körlum í kallakaffi milli kl.14:30 og 16.Allir pabbar, bræður, afar, frændur og vinir velkomnir að kíkja til okkar.

Okkar bestu óskir um gleðileg jól og gott og farsælt komandi ár.Þökkum öllum þeim fjölmörgu sem komið hafa að starfi leikskólans fyrir gott samstarf á árinu sem er að líða.