Fréttir af Skýjaborg

Í dag tókum við fram pappírsgerðaráhöldin okkar og skelltum okkur í pappírsgerð í útiverunni.Það er ótrúlega skemmtilegt að gera pappír og þá ekki síst gaman að sulla í pappírsmaukinu sem við gerum.

Fyrsti starfsdagur skólaársins verður mánudaginn 17.ágúst.Þann dag er leikskólinn lokaður. .

Í dag er síðasti opnunardagur leikskólans fyrir sumarleyfi.Leikskólinn opnar aftur miðvikudaginn 5.ágúst.Við þökkum fyrir frábæran vetur og óskum öllum gleðilegs sumars :).

Í morgun fóru börn og starfsfólk í leikskólanum fylktu liði út í stjórnsýsluhús og opnuðu sýninguna ,,Bangsímon og hundraðekruskógurinn hans".Á sýningunni má sjá afrakstur verkefna sem unnin hafa verið í vetur í tengslum við Nordplus verkefni leikskólans þar sem unnið er að útinámi og hreyfingu með hugmyndafræði Bangsímon að leiðarljósi.

Í dag fóru börnin í Hundahóp í útskriftarferð með Möggu Siggu og Sigurbjörgu.Ferðinni var heitið á Akranes þar sem byrjað var á að leika í skógræktinni.Í leiðinni á Langasand var komið við á byggðasafninu og flottu bátarnir sem þar eru skoðaðir.

Á föstudaginn fórum við í sveitaferð inn að Bjarteyjarsandi þar sem við heimsóttum lömbin, kindurnar, hestana, kanínurnar, geiturnar, kalkúnana, hænurnar og hundana.Veðrið lék við okkur þennan dag og dvöldum við lengi í fjörunni og á leikvellinum.

Á föstudaginn var útskriftarathöfn í leikskólanum fyrir börnin sem hefja grunnskólagöngu sína í haust.Við athöfnina fengu þau afhentar ferilmöppur sínar sem þau hafa safnað minningum og verkum frá því þau hófu leikskólagöngu og fengu síðan að gjöf birkitré frá leikskólanum.

Ár hvert höldum við dag umhverfisins hátíðlegan í leikskólanum.Undanfarin ár höfum við farið um hverfið og tínt rusl sem er að finna víða eftir veturinn.Í ár ákváðum við að breyta til og prufa að vera með útijóga og göngur í tilefni dagsins.

Hún Ingibjörg Unnur er komin til okkar aftur og mun hún leysa Guðný af sem farin er í orlof.Ingibjörg verður á Dropanum og eru allir alsælir að fá hana aftur.

Í dag og næstu föstudaga fáum við í heimsókn til okkar í leikskóla nemendur úr unglingadeild Heiðarskóla sem velja að koma í kynningu í leikskólann.Í dag eru þær Steinunn, Sigga og Elfa Dís hjá okkur og ætla að kynnast því sem við erum að gera.