Fréttir af Heiðarskóla

Minnum á vetrarfrí og starfsdaga  í Heiðarskóla 12., 13.og 14.október nk.  Með von um að allir njóti þessara frídaga vel og mæti endurnærðir aftur í skólann mánudaginn 17.

Tónlistarskólinn á Akranesi hélt skólatónleika í Heiðarskóla í dag.Heiðarskólanemendur í tónlistarnámi spiluðu og efnisvalið var fjölbreytt og skemmtilegt.Í lok tónleikanna sungu tónleikagestir og nemendur Tónlistarskólans spiluðu undir.

Í dag var bleikur dagur í Heiðarskóla og margir völdu að klæðast bleiku í tilefni dagsins.Það var einnig dótadagur á yngsta stigi og mikil gleði og spenna í loftinu enda vetrarfrí skólans handan við hornið.

Á miðvikudaginn tóku nemendur og starfsmenn skólans þátt í norræna skólahlaupinu.Veðrið lék við okkur og sveitin skartaði sínu fegursta.Með norræna skólahlaupinu er leitast við að hvetja nemendur til að stunda útiveru, hreyfa sig reglulega og stuðla þannig að betri heilsu og vellíðan.

Í gær fór yngsta stigið út í tilraunatímanum í blíðskapa veðri.Þau könnuðu hitastigið í læknum með mæli, ofarlega, neðarlega, fyrir miðju, í sól og í skugga.

Nemendur okkar í 1.- 7.bekk tóku upp kartöflur í síðustu viku.Uppskeran var misgóð en allir sem vildu fengu að taka með sér smá smakk heim og síðan verða þessar ljúffengu kartöflur á boðstólnum í hádegismatinn hjá okkur í skólanum.

Krakkarnir í 1.- 4.bekk hafa undanfarnar vikur verið að læra um fjöllin.Í upphafi var hópurinn ýmist allur saman eða í þrískiptingu, þá var verið að skoða fjöllin í kringum skólann, skoða og ræða orð sem tengjast fjöllum, hvernig fjöllin verða til og hvað einkennir þau.

Segja má að allir dagar séu dagar íslenskrar náttúru en 16.september ár hvert er haldið sérstaklega upp á daginn.Í tilefni dagsins var hefðbundið skólastarf brotið upp í skólanum og nemendur unnu alls kyns verkefni inni og úti sem tengdust náttúrunni á einhvern hátt.

Í gær var dagur læsis og bókasafnsdagurinn.Í tilefni dagsins hittust nemendur og starfsmenn skólans í fyrsta tíma og áttu saman notalega lestrarstund í matsalnum.Slagorð dagsins í ár var: Lestur er bestur - út fyrir endimörk alheimsins! Í myndaalbúm eru komnar myndir frá lestrarstundinni.

Í Heiðarskóla hefur skapast sú skemmtilega hefð að nemendur unglingadeildar hafa, ásamt kennurum sínum, gengið ýmis fjöll og firnindi að hausti.Í ár var gengið yfir Síldarmannagötur úr Hvalfirði og yfir að Fitjum í Skorradal fimmtudaginn 1.