Fréttir

Skólasamstarfið gengur vel.Á mánudaginn fóru elstu börn leikskólans með yngstu börnum grunnskólans í vettvangsferð í Álfholtsskóg.Börnin léku sér í skóginum, drukku heitan súkkulaðidrykk og höfðu gaman af.

Guðbjörg Perla Jónsdóttir og Sigurrós María Sigubjörnsdóttir hafa verið í vettvangsnámi hjá okkur í vikunni.Þær hafa fengið að kynnast innviðum skólastarfsins og tekið þátt í kennslustundum á öllum aldursstigum.

Heiðarskóli tók að vanda þátt í Norræna skólahlaupinu í blíðskaparveðri síðustu viku.Norræna skólahlaupið fór fyrst fram á Íslandi árið 1984, en allir grunnskólar á Norðurlöndunum geta tekið þátt í hlaupinu á hverju hausti.

Í gær voru haldnir hádegistónleikar á vegum Tónlistarskólans á Akranesi í matsal skólans.Ljúft var að hlýða á hugljúfa tóna meðan á matmálstíma stóð.Við þökkum Tónlistarskólanum kærlega fyrir okkur.

Í gær mættu alls kyns kynjaverur í skólann þegar nemendur á yngsta stigi héldu svokallaðan hrekkjavökudag.Börnin fóru á hrekkjavökuball, gæddu sér á poppkorni, nammi og drukku rauðan djús.

Í dag fengum við góða gesti þegar fulltrúar frá Slysavarnardeildinni Líf á Akranesi færðu nemendum skólans endurskinsmerki að gjöf.Við þökkum Slysavarnardeildinni kærlega fyrir þessa mikilvægu gjöf og hvetjum nemendur skólans til að nota endurskinmerki nú þegar svartasta skammdegið er framundan.

Í dag er alþjóðlegi bangsadagurinn og því voru bangsar sérstaklega velkomnir með í leikskólann í dag.Að gamni höfðum við einnig náttfatadag.Mikil gleði var hjá börnunum og mættu bangsar af öllum stærðum og gerðum í leikskólann og börn í alls kyns náttfötum.

Síðastliðinn miðvikudag tók skólabókasafn Heiðarskóla bóksafnskerfið Gegni í notkun.Gegnir er það kerfi sem algengast er að bókasöfn á Íslandi noti.Safnkosturinn er skráður í miðlægan gagnagrunn og getur hver sem er skoðað hvort bók er til á safninu okkar með því að kíkja inn á leitir.

Þessa dagana taka nemendur okkar á miðstigi þátt í barnamenningarhátíð.Hátíðin var sett við Tónlistarskólann á Akranesi í gærmorgun þegar nemendur af miðstigi Heiðarskóla, Grundaskóla og Brekkubæjarskóla dönsuðu fyrir gesti.

Fimmtudaginn 12.október s.l.kom Stjörnuhópur, elsti árgangur leikskólans, í fyrsta sinn í skólaheimsókn í Heiðarskóla.Börnin hófu daginn hjá Helgu í íþróttahúsinu, síðan þau hittu skólastjóra sem sýndi börnunum skólann, þau fengu m.