Fréttir af Heiðarskóla

Við þökkum öllum þeim sem sáu sér fært að kíkja til okkar s.l.föstudag og skoða afrakstur þemavinnunnar um neyslu.Neysla er vandamál i heiminum í dag, við erum að nota of mikið af auðlindum jarðar til að framleiða vörur sem einungis hluti jarðarbúa er að nýta og þarf kannski ekki nauðsynlega á að halda.

S.l.föstudag tóku allir Heiðarskólanemendur Tónlistarskólans á Akranesi þátt í samspili.Galvaskur hópur kennara Tónlistarskólans mætti í Heiðarskóla með fullt af hljóðfærum og nemendur spiluðu saman.

Starfsáætlun Heiðarskóla fyrir núverandi skólaár hefur nú verið samþykkt í Fræðslu- og skólanefnd Hvalfjarðarsveitar.Við hvetjum foreldra til að kynna sér áætlunina, hana má nálgast á slóðinni: http://skoli.

Í þessari viku stendur yfir umhverfisþema í Heiðarskóla.Umhverfisnefnd skólans, sem skipuð er einum fulltrúa úr hverjum bekk, valdi að taka fyrir NEYSLU að þessu sinni.

Í október unnu börnin í 1.- 4.bekk þemaverkefni um dýr.Föstudaginn 28.október héldu börnin kynningu á afrakstri vinnunnar.Börnin í 1.og 2.bekk sögðu frá húsdýrunum, sýndu dýrið sitt sem þau höfðu skapað úr trölladeigi og fóru með vísur eftir Hákon Aðalsteinsson.

Minnum á vetrarfrí og starfsdaga  í Heiðarskóla 12., 13.og 14.október nk.  Með von um að allir njóti þessara frídaga vel og mæti endurnærðir aftur í skólann mánudaginn 17.

Tónlistarskólinn á Akranesi hélt skólatónleika í Heiðarskóla í dag.Heiðarskólanemendur í tónlistarnámi spiluðu og efnisvalið var fjölbreytt og skemmtilegt.Í lok tónleikanna sungu tónleikagestir og nemendur Tónlistarskólans spiluðu undir.

Í dag var bleikur dagur í Heiðarskóla og margir völdu að klæðast bleiku í tilefni dagsins.Það var einnig dótadagur á yngsta stigi og mikil gleði og spenna í loftinu enda vetrarfrí skólans handan við hornið.

Á miðvikudaginn tóku nemendur og starfsmenn skólans þátt í norræna skólahlaupinu.Veðrið lék við okkur og sveitin skartaði sínu fegursta.Með norræna skólahlaupinu er leitast við að hvetja nemendur til að stunda útiveru, hreyfa sig reglulega og stuðla þannig að betri heilsu og vellíðan.

Í gær fór yngsta stigið út í tilraunatímanum í blíðskapa veðri.Þau könnuðu hitastigið í læknum með mæli, ofarlega, neðarlega, fyrir miðju, í sól og í skugga.